ÍSLANDSMEISTARAR

Golfklúbbur Suðurnesja hefur átt góðu gengi að fagna á Íslandsmeistaramótum í gegnum tíðina. Fyrsti Íslandsmeistaratitill kvenna fór til Suðurnesja árið 1967 þegar Guðfinna Sigurþórsdóttir hampaði honum fyrst kvenna, það var jafnframt fyrsti Íslandsmeistaratitill GS. Það var svo dóttir hennar, Karen Sævarsdóttir, sem vann það einstæða afrek að verða Íslandsmeistari átta sinnum í röð á árunum 1989–1996, afrek sem verður að teljast ólíklegt að nokkur nái að leika eftir. Þorbjörn Kjærbo kemst næstur henni á afrekalista GS og stóð hann uppi sem Íslandsmeistari í þrígang á árunum 1968–1970.