REGLUGERРUM MEISTARAMÓT GS

Reglugerð samþykkt á stjórnarfundi Golfklúbbs Suðurnesja 16. febrúar 2021

Flokkar og keppnisfyrirkomulag:

Keppt er í eftirtöldum flokkum (þó háð því að næg þátttaka verði í hverjum flokki):

Skráningarfrestur er til klukkan 12.00 daginn fyrir fyrsta keppnisdag.
 

Mótsstjórn raðar keppendum á rástíma; fyrstu tvo dagana er dregið í ráshópa en seinni tvo dagana ræður skor rástímum (á lokahring sé um þriggja daga mót að ræða).


Til skiptingar í flokka eftir grunnforgjöf hækkar brot 0,5 eða hærra í næstu heila tölu.

 

Veitt eru verðlaun fyrir þrjú efstu sætin í hverjum flokki. Verði skor jöfn til sigurs skal leika þriggja holu umspil (1.,2.,3. nema í meistaraflokkum karla og kvenna 16.,17.,18.) til úrslita, en nægi það ekki skal leika bráðabana uns úrslit fást (4.,5.,6. o.s.frv, nema í meistaraflokkum karla og kvenna, 16.,17., 18. endurtekinn hringur þar til úrslit fást). Verðlaunaafhending fer fram í hófi að kvöldi síðasta keppnisdags.

 

Mótsstjórn skipa: Formaður mótanefndar, formaður afreksnefndar, íþróttastjóri, formaður og framkvæmdastjóri GS. Mótsstjórn hefur heimild til að sameina eða fella niður flokka verði ekki lágmarksþátttaka í þeim flokki/flokkum. Lágmarksþátttaka telst sex keppendur í flokki.

Meðan á Meistaramóti stendur er Hólmsvöllur lokaður öðrum en keppendum, Séu keppendur ekki við leik er þeim óheimilt að æfa á vellinum.

 

Golfbílar eru ekki leyfðir nema keppandi fái undanþágu frá mótsstjórn, undanþágur skulu aðeins veittar þeim kylfingum sem eiga erfitt um leik heilsu sinnar vegna. Kylfuberar eru leyfðir.

Keppnisrétt í Meistaramót hafa skuldlausir félagar í Golfklúbbi Suðurnesja.
Lokahóf er innifalið í þátttökugjaldi fyrir þátttakendur 18 ára og eldri.

 

Barna- og unglingaflokkar:

Meistaramót barna og unglinga er leikið í Meistaramótsviku, leikdagar eru mánudagur til miðvikudags og lokahóf barna og unglinga er haldið á föstudegi.

 

Skráningarfrestur er til klukkan 12.00 daginn fyrir fyrsta keppnisdag. Íþróttastjóri raðar keppendum á rástíma.

Verðlaun eru veitt fyrir 1.–3. sæti í flokkum 11–18 ára og þátttökuverðlaun eru veitt í flokki 10 ára og yngri.

Mótsstjórn skipa: Formaður mótanefndar, formaður afreksnefndar, íþróttastjóri, formaður og framkvæmdastjóri GS. Framkvæmd Meistaramóts barna og unglinga er í höndum íþróttastjóra. Kylfuberar eru leyfðir.

Keppnisrétt í Meistaramót hafa börn og unglingar sem leggja stund á æfingar í Golfklúbbi Suðurnesja.