REGLUGERÐ UM STIGAMÓT GS

Reglugerð samþykkt á stjórnarfundi Golfklúbbs Suðurnesja 16. febrúar 2021

1. Leikin eru tólf stigamót á leiktímabilinu maí til september.

2. Mótin eru innanfélagsmót, eingöngu opin fyrir félagsmenn í GS til þátttöku og verðlauna, nema annað sé tekið fram. Kylfingar úr öðrum klúbbum geta tekið þátt í mótunum fyrir sérstakt gjald.

 

3. Þátttökugjald er ákveðið af mótanefnd fyrir hvert tímabil.

 

4. Leikin er Stableford-punktakeppni í opnum forgjafarflokkum karla og kvenna. Karlar leika af teigum 55 kk, konur af teigum 46 kvk. Kylfingar geta óskað eftir leyfi mótsstjórnar til að leika af öðrum teigum enda sé það gert áður en leikur hefst.
Heimilt er að hafa fleiri verðlaunaflokka í einstökum mótum, t.d. unglingaflokk og öldungaflokk.

 

5. Hámarks gefin forgjöf er:
Karlar 36
Konur 40

 

6. Í hverju einstöku móti eru veitt verðlaun í formi gjafabréfa, 60.000 kr. í hverju móti. 
Þau skiptast þannig:
1. sæti karla með forgjöf: 10.000 kr.
2. sæti karla með forgjöf: 6.000 kr.
3. sæti karla með forgjöf: 4.000 kr.
1. sæti kvenna með forgjöf: 10.000 kr.
2. sæti kvenna með forgjöf: 6.000 kr.
3. sæti kvenna með forgjöf: 4.000 kr.
Besta skor án forgjafar: 10.000 kr.
Aukaverðlaun (nándarverðl., teighögg o.s.frv.): 5.000 kr.

 

7. Hvert stigamót hefst á þriðjudegi og lýkur á miðvikudegi (nema þegar það er shotgun fyrirkomulag). Hverjum kylfingi er heimilt að leika einungis einn hring en getur valið hvort hann leikur á þriðjudegi eða  miðvikudegi.
Mótanefnd er heimilt að halda allt að þrjú stigamót ár hvert þar sem allir keppendur eru ræstir út samtímis (shotgun), í þeim umferðum er aðeins leikið á þriðjudegi.

8. Að hverju móti loknu er birtur stigalisti. Öll stigamótin hafa jafnt stigavægi. Stig eru gefin eftir punktafjölda (stableford) í hverju mót fyrir sig (dæmi: leikmaður með 35 punkta með forgjöf fær 35 stig). Einnig eru gefin stig í höggleik án forgjafar.

 

9. Að loknum öllum stigamótum tímabilsins verða krýndir Stigameistarar Golfklúbbs Suðurnesja. Verðlaunaafhending fer fram að loknu síðasta móti, í september. 80% af heildarmótunum telja, t.d 10 mót af 12.

 

10. Veitt verða verðlaun í eftirfarandi flokkum:
Stigameistari í höggleik án forgjafar
Stigameistari karla með forgjöf
Stigameistari kvenna með forgjöf

 

11. Hvert mót mun hafa sjálfstæðan styrktaraðila sem leggur fram verðlaun í formi gjafabréfa. Mótin eru auglýst sérstaklega og fyrirkomulag þess, t.d. hvort mótið sé leikið á tveimur dögum eða allir keppendur ræstir út samtímis.